قاعده أحاول أفهم ليش أفهم المسلسل الكوري من الترجمة الإنجليزية بسرعة، بس إذا الدكتور سألني سؤال بسيط أحس كل الكلمات توقف. بالمسلسل أشوف الويه وأعرف منو زعلان من منو حتى قبل لا أقرا، يمكن أنا أحسب إني فاهمة اللغة وأنا نص شغلي تخمين ههههه. جربت أعيد مشهد وأنا أطالع الكلمات بس، طلع في جملة كنت فاهمتها غلط من زمان. الحين ودي أسأل رفيجتي إذا يصير معاها نفس الشي، لأنها تتكلم بسرعة وأقول أكيد ما تتلخبط مثلي. عندي عرض صغير بالمحاضرة الياية، مو خايفة من الموضوع، خايفة أنسى كلمة عادية وأقعد أوصفها بإيدي جدامهم

بنت بالصف اللي أتدرب فيه كانت ترفض تقرا قدام رفيجاتها، فقعدت يمها وقلنا نقرا بس بصوت نسمعه إحنا. عقب شوي رفعت صوتها بروحها وأنا حدي استانست، كنت أبي أصفق لها بس خفت أخلي الكل يطالعها فترد تسكت. قالت لي قبل لا أمشي باچر إنتي موجودة؟ مو يوم تدريبي باچر، واضطريت أقول لها لا. ضاق خلقي من نظرتها مع إني أدري عندها أبلتها ومو واقف اليوم علي، بس حبيت إنها تنطرني. رديت السيارة وأنا أبي أحچي السالفة حق أمي كلها، حتى الغلط اللي قرته البنت أول مرة، مو عشان أضحك عليها، عشان أمي تفهم شكثر حاولت 🤍

اليوم بالمزرعة كنت أمشي مع أبوي من نخلة لنخلة وبدون ما أحس طولنا، أول ما طلعنا كنت أبي أرد للمكيف وبعد شوي صار الهوا بين النخل يبرد وجهي كل ما وقفت بالظل. مو نفس قعدة الجامعة اللي أطلع منها وظهري متيبس، هني رجولي تعبت بس تعب عادي، حتى لما قعدت حسيت بحرارة الأرض من تحت النعال. شربت ماي بارد وطلع إني عطشانة وايد وأنا مو منتبهة، طول الطريق أسولف وأسأل عن التمر ههههه. بالبيت القطوة نامت على ساقي وما قدرت أغير قعدتي، قلت لها تراني مشيت اليوم أكثر منچ على الأقل خليني أتمدد شوي 🐈